و... آتنفس رغم هذا الضيق في صدر المدينة ..!
وآتبسم حتى لو مابه ...... عصافير وأغاني !
وانتي أنتي .. مثل ماأنتي .. ولكنّكِ حزينة ..!
تربكين الدمع ويل الدمع من ضيق المحاني !
صح أنا مااخترت اكون أنسان يمكن تعشقينه ..!
بس انا مااخترت أكون إلا معاك انسان ثاني !
كنت اقول البحر ماينشد عن هموم السفينه ..!
صرت أقول اللحين دلوني على وجه المواني !
آه ... واللي خالقٍ بي صوت يصعب تسمعينه ..!
ماقطفتك ( لحظةٍ حلـوة ) من أعضان الثواني !
أشبه احساسي ولاأشبه هذاك اللي ... تبينه ..!
شاعرٍ من ضعت عندك ضاع يوم إنه لقاني !
أشبه اللي مّر في صدري وأنا مدري حنينه ..!
مثل هذا الفرح .... هذا الجرح لامنّـه بكاني !
أنسكب لك شي مثل المي ! يمكن تشربينه !
وارتوي بك شعر .. مثل الشعر لامنّه .. دعاني !
مثل هذا الحزن هذا الحزن لامرّ بــ سكينه ..!
مثل هذا النور مثل شعور من يدّي .. خذاني !
مثل هذا اللي يدوّر في يدينك .. عن يدينه !
مثل هذا اللي يمّر اللحين كل اللي .. قراني !!
مثل هذا اللي يحث خطاه ماتلحق .. سنينه..!
مثل هذا اللي تشوفي كيف لو شفتيه جاني !؟
شاعرك لو ماتنفّس ضاق به صدر المدينة ..!
شاعرك لو ماتبسّم .... كان مارفَت أغاني !
أفتحي قلبك وشوفي وش ورى دمعات عينه ..!
يمكن تحسيّن باللي ماقوى ... ينطق لساني !
لايمرّ الحزن مثل اللي يمرّ ... وفي يمينه ..!
قلب ماتنبض سنينه مثل .. نبضات الأمــاني !
من يقول الصبح هذا صبح ..! واشياءه حزينه ..!
من يقول الناس مثل الناس ماحسّ بحناني !
الحزن ماهو مثل ماشعر واحسّك .. تشعرينه ..!
الحزن لاجيت ادور لك وانا اجهل مكاني !
مما راق لي
الموقع
المزاج
الأربعاء نوفمبر 04, 2009 11:30 am
